mohabaat us ko kahtey hain

RAAT ki tanhaaiyoon main to koi bhi yaad kar leta ha

Jo duniyaa ki bheer main yaad karey mohabaat us ko kahtey hain.

Hum Bewafa Hargiz Na The

Hum Bewafa Hargiz Na The.
Par Hum Wafa Kar Na Sake.
Hum ko Mili Uski Saza.
Hum Jo Khata Kar Na Sake.

Hum Bewafa Hargiz Na The
Par Hum Wafa Kar Naa Sake

Kitni Akeli Thi Woh Rahen Hum Jin pe
Ab Tak Akele Chalte Rahe.
Tujhse Bichar K Bhi O Bekhabar.
Tere Hi Gham Mein Jalte Rahe.
Tune Kiya Jo Shikwa.
Hum Woh Gila Kar Na Sake.

Hum Bewafa Hargiz Na The
Par Hum Wafa Kar Naa Sake

Tumne Jo Dekha Suna Sach Tha Magar.
kitna Tha Sach Yeh Kisko Pata.
Jaane Tumhe Maine Koi Dhokha Diya.
Jaane Tumhe Koi Dhokha Hua.
Is Pyaar Mein Sach Jhooth Ka.
Tum Faisla Kar Naa Sake.

Hum Bewafa Hargiz Na The.
Par Hum Wafa Kar Naa Sake.

Mohabbat Ho Gayi Hogi

Kisi Ki Ankh Pur Nam Hai, Mohabbat Ho Gayi Hogi
Zabaan Pe Qissa-e-Ghum Hai, Mohabbat Ho Gayi Hogi,

Kabhi Hasna Kabhi Rona, Kabhi Hans Hans Ke Ro Dena
Ajab Dil Ka Yeh Alam Hai, Mohabbat Ho Gayi Hogi,

Kabhi Aankhon Hi Aankhon Me Woh Baaton Ka Bata Dena
Kabhi Takraar Baham Hai, Mohabbat Ho Gayi Hogi, 

Kuch tum se mohabat aisi thi.

Kuch tum se mohabat aisi thi.
Hum batein karna bhool gaye!

Kuch or hi hum ne keh dala.
Jo kehna tha wo bhool gaye!

Hum ne to kaha tha lout aana.
Par tum to aana bhool gaye!

Huwi Rat, falak par tary thy.
Hum diya jalana bhool gaye!

Mein sahil par betha hi raha.
Tum kashti lana bhool gaye!

Ab kaisa gila main tum se karon.
Jab naseeb hi mujh ko bhool gaye!

Hum tum se khafa bethy hi rhe.
Tum hum ko mana'na bhool gaye..!.

Kabhi Hum Bhi Mohbbat Mein Apne Aap Ko Badsha Samjhte Thy

Kabhi Hum Bhi Mohbbat Mein Apne Aap Ko Badsha Samjhte Thy dost...

Pata Tab Laga Jab hum Wafa Mangte Rahe Faqeeron ki Tarah..

Chahat Ki BayBasi Ka Qissa Hai Mukhtasar

Chahat Ki BayBasi Ka Qissa Hai Mukhtasar

Dil Nay Sakoon Na Paya Kabhi Dil Lagi K Bad ...

Dekhi Jo Nabz Meri To Hans Kar Bola Tabeeb

Dekhi Jo Nabz Meri To Hans Kar Bola Tabeeb

Jaa Deedar Kar Us Ka Jo Teray Har Marz Ki Dawa hai.

Aye Chand Tu Bhool Jayga

Aye Chand Tu Bhool Jayga Gharur se Chamakna..!!

Jis Roz Dekhe Ga tu ik Jhalak Mere CHAND Ki..!!

Kash Kabi Hota Ye Mere Ikhtiyar Mai

Kash Kabi Hota Ye Mere Ikhtiyar Mai
Main Rang Deta Tujhe Apne Pyar Mai,

Main Itna Pyar Deta Tujhe Jan-E-Arzoo
Tum Khud Ko Bhula Dete Mere Aitbar Mai,

Tum Jo Mujhe Bulate Mulaqat K Liye
Bechain Ho K Phirte Mere Intezar Mai,

Main Dair Se Jo Aata Naraz Ho K Tum
Har Baat Ka Jawab Dete Inkar Mai,

Tum Jo Rooth Jate Mujh Se Kisi Bat Pe
Main Tumhein Manata Bare Pyar Se,

Maan Kar Tum Mujh Se Sirf Ye Kehte
Hai Nahi Koi Kmi “jaan” Tere Pyar Main.

Mohabbat Bheek Nahi Hai

Chahat k Kashkool Utha Kar
Ranj O Alm K Dhool Baja Kar

Dar Dar Phirna Thik Nahi Hai
Suno Mohabbat Bheek Nahi Hai.

Main Ne Chaha Tha Usay

Dil ki khamoshi se saanson k Theher jane Tak,

Yaad Aye ga Mujhy Wo Shakhs Marr jane Tak.

Us Ne Ulfat k bhi Paimaanay Bana Rakhe thay,

Main Ne Chaha Tha Usay Hadh Se Guzar Jane tak..!!

Muhababt kam nahi hoti

Koi kitna jatan kar le Muhababt kam nahi hoti. . !
Zamana is k aagay aahni dewar ban jaye

Aur us ki haath ik talwaar ban jaye
Muhabbat dar nahi sakti Daranay se

Nahi mitti mitanay se
Muhabbat ki banti nahi zamanay se

Ye apni jaan de kar bhi kabhi bedam nahi hoti
Koi kitna jatan kar le Muhababt kam nahi hoti. . !

Kabhi ye heer ka joban kabhi ranjhay ki wanjili hai
Kabhi khaaro’n bhara rasta, Kabhi ye phool jangli hai

Kabhi sheeree’n ki betabi, kabhi farhaad ka taisha
ye kuch kuch shehed jesi hai, maza hai is mein sam jaisa

Junoo’n hai qais ka, laila ki ye waraftagi hai
Khudi ka bhaid hai is mein

Muhabbat be-khudi bhi hai
Muhabbat hai khuda jesi, khudaai is mein shaamil hai

Sitara mat kaho is ko, muhabbat maah-e-kaamil hai
Aur is ki lou kabhi madham nahi hoti.
Koi jitna jatan kar le Muhababt kam nahi hoti. . !

Mohabbat kya ho akhir tum

Mohabbat rog hai ya phir haseen raag hai koi,
Kisi jharnay ke paani ka dilkash saaz hai koi,

Mujhe aksar yeh lagta hai mohabbat raaz hai koi,
Samajh se baala ik awaz hai koi,
Phir is raaz se parda uthaane ko,
Sabi ehsas ke dhaaron ko milaya maine,
Aur dheere se mohabbat se bass itna kaha,
Mohabbat kya ho akhir tum,

Mohabbat kya ho akhir tum,
Kisi majnoon ka pagalpan,
Kisi farhaad ka taisha,
Kisi sassi ka sehraa ho,
Kisi punnu ki bechaini,
Kisi sohni ka gharra ho,
Junoon haizi ho tum,
Ya phir junoon haizi ki rahbar ho,
Mohabbat kya ho akhir tum,

Batao na kisi mastaanay ki masti ho,
Kisi sufi ka sajda ho,
Kisi zahid ka taqwa ho,
Kisi bhale ke ghunghruu ho,
Kisi mufti ka fatwa ho,
Koi uljhan ho tum ya koi suljhi hui shay ho,
Mohabbat kya ho akhir tum,

Kisi waris ki heer ho,
Kisi saif ki jheel ho,
Tum kis raste ki rahbar ho,
Be-nishan ho ya phir koi nishan-e-manzil ho,
Mohabbat kya ho akhir tum,

Koi mai-khana ho tum,
Ya kisi mai-khane ka jaam ho,
Koi pathar ki murat ho,
Koi masjid ya mandir ho,
Kisi deewane ka raqs ho,
Ya phir mast dhamaal ho,
Andheri raat main jugnu,
Ya phir subah ka sitaara ho,
Mohabbat kya ho akhir tum,

Kisi ki ankh ka paani ho,
Ya khush-rang kahani ho,
Kisi ki thandi aah ho,
Ya tum koi dilkash hansi ho,
Tapti dhoop main saya,
Ya phir december ki dhoop ho,
Mohabbat ka ho akhir tum,

Bohat socha tab mere dil se sadaa ayi,
Mohabbat dil pe ilhaam ki surat,
Bohat dheere se utarti hai,
Kahin andar panapti hai,
Mohabbat rog hai ya phir haseen raag hai koi,
Kisi jharne ke paani ka dilkash saaz hai koi,
Mohabbat deen hai ya phir tayaag hai koi,
Kisi kache gharre ka raaz hai koi..

Koi dhoond aisa humsafar

'Koi dhoond aisa humsafar 

Jisey tu apna bana sakey ... 

Tu kahey k raat hy Or woh chandni luta sakey ... 

Tere ansuon ko woh samait le 

K koi na tujh ko rula sakey ... 

Teri raah me ho jo mushkilain 

Apni palkon se woh utha 

sakey ... 

Tujhe rakh le apne hisaar me 

K tujh ko na koi chura sakey... 

Woh ho tere itna qareeb k 

Kisi ki yaad b na tujhe aa sakey ... 

Haan ... 

'' Koi dhoondh aisa humsafar 

Jo Meri tarha tumhe chah sakey..

Bari Chah hai Dil ko Tujhe pane ki

Bari Chah hai Dil ko Tujhe pane ki

Tujhe Apna k tera ho jane ki

Meri Zaat k Raishe Raishe main Bikhar jae

Bht Haseen hai Ada tere Muskurane ki

Paas betho Hath mera thaam lo aur Qasam Uthao

Mujhe chor kar Kbhi na Jane ki!

Meri har Ek Ada mein chupi thi uski Mohabbat

Meri har Ek Ada mein chupi thi uski Mohabbat!

Usne Mehsus na kiya Ye Aur baat hai!

Main ne har dam uske he khwab deikhe!

Mujhe tabeer na mili Ye Aur baat hai!

Main ne jab bhi usse baat karna chahi!

Mujhe Alfaz na mile ye Aur baat hai!

Main uski Mohabbat k samander mein door tak nikla

Mujhe sahil na mila Ye Aur baat hai!

Qudrat ne likha tha usko meri taqdeer mein!

Uski qismat mein

Hum na "they" Ye Aur baat hai.

Mera Dil Deta Hai Sada Tum Pass Aa Jao

'Mera Dil Deta Hai Sada Tum Pass Aa Jao. 

Tang Karti Hai Yeh Pagal Hawa Tum Pass Aa Jao. 

Mujhe Tumse Door Rehne Ka Shoq Bhi Nahi. 

Dekho Meri Hai Yeh Dua Tum Pass Aa Jao. 

Kar Do Mujhe Apne Ishq Mein Fanaa. 

Nahi Karon Ga Mein Mana Tum Pass Aa Jao. 

Mere Dil Ka Haal Tum Ko Hai Maloom. 

Mere Dil Se Dil Milane Ko Tum Pass Aa Jao. 

Mujhe Kitna Haq Hai Teri Zaat Pe Hamdam. 

Ek Bar Batane Ko Mere Pass Aa Jao'

Kash hum bata pate

Kash hum bata pate,

Kisi kadar mohobbat hai,

Kisi kadar jarurat hai.

.

Kash hum bata pate,

Jaan ye tmhari hai.

Har khusi tumhari hai.

Dil lagi tumhi se hai.

Zindagi tumhi se hai.

.

Kash hum bata pate.

Ruh ki jarurat ho.

Dil ki ibadat ho.

Meri tum mohobbat ho.

.

Kash hum bata pate.

Meri aarju tum ho.

Meri justju tum ho.

.

Kash hum bata pate.

Sirf meri tum mohobbat ho.

Sirf tumko chaha hai.

Sirf tum hi chahat ho.

.

Kash hum bata pate..

Apni Dharkano Se Kuch Aisay Mera Naam Lo

Apni Dharkano Se Kuch Aisay Mera Naam Lo,

Yeh Waqt Ruk Jaye Is Lamhay Ko Thaam Lo.

Teri Aankhon Mein Jhalak Hi Aesi Mere Pyar Ki,

Saahil Pe Jesey Dhalti Haseen Shaam Ho.

Lafzon Se Hota Nahi Izhaar Humse Pyar Ka,

Bas Meri Aankhon Me Dekh Kar Khud Ko Pehchaan Lo.

Jesey Tarasta Hai Sehra Shabnam Ke Choonay Ko,

Kabhi Wese RAB Se Tum Bhi Mujhe Maang Lo...

Woh Reh Na Paye Ik Pal Bhi Mere Bina

Woh Reh Na Paye Ik Pal Bhi Mere Bina,

Aye Khuda Tu Usko Meri aadat Si Karde,

Itna Toot K Chahun Main Usko,

K Meri Chahat Ko Usko Ibadat Si Karde,

Koi Chu Na Paye Apne Khayalat Mein B Usko,

Har Ik K Zehn Mein Uski hifazat Si Karde,

Band Aankh Mein Bhi Dekh Paon Main Usko,

Meri Nazar Ko Aisi Ijazat Si Karde,

Rakhun Gi Khayal Uska UMer Bhar K Liyee,,,,

Bas Ab Woh Apne Apko Meri Amanat Karde..