Zindagi bhar wafaa hamiN se huii
Sach hai yaro khataa hamiN se huii
Dil ne har daagh ko rakha mehfooz
Ye zameeN khushnuma hamiN se huii
Ham se pehle zameen E shehr E wafa
Khaak thi, keemiyaa hamiN se huii
Kaun uThata shab E firaaq ke naaz
Yeh bala aashnaa hamiN se huii
Be-gharaz kaun dil gaNwaata hai
Teri Qeemat adaa hamiN se huii
Sitam E naarawa tujhi se hua
Tere haq mein dua hamiN se huii
Sa’yi – tajdeed E dosti ‘Nasir’
Aaj kya, baarha hamiN se huii
No comments:
Post a Comment