Aaj Bi Wesa Hi

Aaj Bi Wesa Hi Mosam Hai

Aaj Bi Wese Hi Badal Hain

Aaj Bi Wesi Hi Barish Hai

Jab Ham Pehli Bar Milay Thy

Yad He Ham Ne Ye Socha Tha

Ham Ko Milte Dekh Ke Mosam

Itna Khush Hai, Itna Khush Ke

Is Ki Aankhein Bheig Gayen Hain

Aaj Magar Ham Jan Gaye Hain

Mosam Us Din Kun Roya Tha!!

Nam Hai Palkain Teri

Nam Hai Palkain Teri Ae Moj-e Hawa Raat Ke Saath

Kia Tuje Bi Koi Yad Aata Hai Barsat Ke Sath

Tum Jo Nahi Barsaton Main

Tum Jo Nahi Barsaton Main

To Aag Lage Barsaton Ko…

Tu Ne Muje Kho Dia

Gham Ki Barish Ne Tere Naqsh Ko Dhoya Nahi

Tu Ne Muje Kho Dia Main Ne Tuje Khoya Nahi

Barish Ka Mosam Ho

Ye Aankh Jab Zara Nam Ho Aur Barish Ka Mosam Ho

Muje Lahaq Tera Gham Ho Aur Barish Ka Mosam Ho

Udasi Jam Si Jati Hai Kisi Barf Ki  Manind

Khayalon Main Agar Tum Ho Aur Barish Ka Mosam Ho

Andaz Tumhare Jaisa Tha

Barish Ki Taiz Boondon Ne Jab Dastak Di Darwaze Par,

Mehsoos Huwa Tum Aaye Ho, Andaz Tumhare Jaisa Tha,

Hawa Ke Halke Jhonke Ki Jab Aahat Huwi Khirki Par,

Mehsoos Huwa Tum Aaye Ho, Andaz Tumhare Jaisa Tha,

Main Tanha Chala Jab Barish Mein, Ek Jhonke Ne Mera Saath Diya,

Main Samjha Tum Ho Saath Mere, Ehsaas Tumhare Jaisa Tha,

Phir Ruk Gayi Woh Barish Bhi, Rahi Na Baqi Aahat Bhi,

Main Samjha Mujhe Tum Chhor Gaye, Andaz Tumhare Jaisa Tha

Tumhain Barish Pasand Hai

Tumhain Barish Pasand Hai Muje Barish Main Tum

Tumhain Hansna Pasand Hai Muje Hanste Hoye Tum

Tumhain Bolna Pasand Hai Muje Bolte Hoye Tum

Tumhain Sab Kuch Pasand Hai Aur Muje Bas Tum

Kal Raat Barasti Rehi

Kal Raat Barasti Rehi Sawan Ki Ghata Bi

Aur Ham Bi Teri Yad Main Dil Khol Ke Roye

Is Barish Ke Mosam Main

Is Barish Ke Mosam Main Ajeeb Se Kashish Hai

Na Chahte Hoye Bi Koi Shidat Se Yaad Aata Hai

Jab Barish Barsa Karti Hai

Jab Barish Barsa Karti Hai

Aur Har So Pani Hota Hai

Ham Apne Ghar K Aangan Main

Amar Bail Ke Saye Main

Prindon Ko Dekha Karte Hain

Aur Tum Ko Socha Karte Hain

Hijar ka tara doob raha hai, dhalne lagi hai raat WASI

Hijar ka tara doob raha hai, dhalne lagi hai raat WASI

katra katra baras rahi hai ashkon ki barsaat WASI

tere baad ye duniya wale mujhko pagal kar dein ge

khushbu k dais mein le chal mujhko saath WASI

yun hi chup ki muhar laga kar kab tak gumsum baitho ge ?

kkhamoshi se dam ghut-ta hai, chero koi baat Wasi

aaj to usska chehra b kuch badla badla lagta hai

mausam badla duniya badli badal gaye halaat WASI

mere ghar khushboo ka ye raqs ussi k dam se hai

uss k saath chali jaye gi phoolon ki barsaat WASI

chor WASI ab usski yaadien tujhko pagal kar dein gi

tu qatra hai wo darya hai dekh apni aukaat WASI